Gipangandaman na karon sa Philippine National Police ang pag retiro ni PNP Chief Oscar Albayalde karong umaabot November 8 sa edad nga 56.
Sa kasamtangan aduna nay tulo ka mga pangalan ang nang gawas nga possible unya mo hulip kang Gen. Albayalde, kini sila si Deputy chief for operations Lieutenant General Archie Francisco Gamboa; Chief of directorial staff Lieutenant General Camilo Cascolan; ug Metro Manila police chief Major General Guillermo Eleazar
Kini sila si Gen. Francisco ug Gen Cascolan, kanhi na kini na destino sa Davao Region, nga mao ang homebase ni President Rodrigo Duterte.
Pero sa kasamtangan, mas ilado si Gen. Eleazar, kini human kanunay mogawas diha sa mga social Media ang iyang pagka disciplinarian.
Pero sa katapusan, si Pangulong Duterte lang gihapon ang mo desisyon kun si kinsa ang iyang gusting himoon nga hepe sa Kapulisan.
Samtang dinhi sa probinsya sa Zamboanga del norte, kanunay usab nag pahinumdom ang kapulisan ngadto sa katawhan nga mag maigmat aron sa ingon, kun adunay mga dautang tawo nga maghimo ug dili maayo dinhi sa Probinsya dili sila mahatagan ug kahigayonan.
Kun ugaling usab adunay mga kadudahang tawo o butang diha sa mga pampublikong lugar, gilayaon kining itahao ngadto sa buhatan sa kapulisan.
