Malaybalay City, Bukidnon – Nakahan-ay na ang security measures sa PNP Provincial Command alang sa subling pagtamod sa Oplan Kaluluwa sa probinsya sa Bukidnon ning tuiga.
Sa interview sa RMN Malaybalay ngadto kang Police Senior Inspector Jessel Longakit ang spokesperson sa Bukidnon Provincial Police Office kon BPPO gibutyag niini nga andam na ang ilang security measure alang sa Kalag-kalag, gani daw sugod karong adlawa aduna nay ipang-deploy nga mga gingsakpan sa kapulisan sa mga sam-ang ug ubang pang vital installation.
Matud ni Longakit nga anaa sa full alert status karon ang tibook nilang hanay.
Sigun sa opisyal nga adunay usab silay imontar nga mga police assistance center sa mga sementeryo aron maka-alalalay ug maduolan sa katawhan panahon sa emerhensiya.
Samtang gipahayag usab niini nga wala usab nila gibaliwala ang posibleng hulga ilabina sa niining mga okasyon.
Partikular nga gipatutukan sa PNP ang mga NPA rebels nga padayong nakig-away sa gobyerno.
