Davao City – Gipaniguro karon sa Commission on Elections (Comelec) Davao Region nga adunay silay ikapuli panahon nga dili mutambong o mu-back out ang naka-assign nga magtutungha isip Electoral Board sa usa ka presinto sa umaabot nga May 13 midterm elections.
Sumala ni Comelec XI spokesperson Atty. Krisna Samantha Caballero, adunay 173 ka mga opisyal gikan sa Police Regional Office (PRO) 11 ang gibansay sa ilang buhatan aron mamahimong hulip isip Board of Electoral Inspectors (BEIs).
Pagpaklaro ni Caballero nga kumpleto na ang Electoral Boards sa syudad sa Davao ingon man sa tibuok Rehiyon 11 gani makunsidera nga contingency lamang ang mga personahe gikan sa PNP.
“Pag wa la yung ga teachers meron yang substitute, which is tinitrain din po natin. Priority natin ang public school teachers, then if wala we have the private school teachers, kung kulang pa rin then we go to the LGUs na pwedeng mag serve at kung wala pwedeng mag elect ang Comelec ng private individuals… last resort na po natin ang PNP,” gikanayon niini.
Dugang sa maong tigpamaba nga gituyo nila ang pagbansay sa maong mga personahe isip tubag kung adunay mulo bahin sa seguridad sa usa ka lugar ilabi na sa hilit nga dapit sa Davao region.
RadyoMaN Jason Amisola
