Nakasentro karon ang mga dalunggan ug mata sa atong nasudnong kapulisan diha sa duha ka mga dagkung targets ning nagsingabot nga 2019 Midterm Elections: Mga private armed groups ingon man mga bayaran nga ‘killers’ kun ‘guns-for-hire.’
Sa media interview, gibatbat ni Philippine National Police (PNP) Spokesperson Benigno Durana, Jr. nga usa kini sa marching order ni PNP Director-General Oscar Albayalde.
Dugang ni Durana, ang maong mga grupo maoy tutukan ug maayo sanglit komon kini nga hulga panahon sa init nga eleksyon sa Pilipinas ilabi na nga sa latest record, mokabat na sa 18 ka mga local executives sama sa mga mayor ug mga kapitan gipangbugha samtang nagkaanam kaduol ang electoral exercise.
Usab gi-anunsyo karon sa police organization nga ilang ipatuman ang major reshuffling sa mga police commanders ‘from provincial to station levels’ ilabi na niadtong adunay mga paryenteng managanay sa 2019 or bin ba kaha may kalambigitan or koneksyon niadtong mga political candidates.
Base sa talaan, mokapin 7,000 ka mga election hotspot areas ang gimanmanan na diin kapin 800 niini mga munisipalidad.
Nag-una sa mga priority regions mao ang ARMM, Central ug Eastern Visayas.
RadyoMaN June Duterte
