Nakakuha sang 93.22 percent sa Unit Performance Evaluation Rating ukon UPER ang South Cotabato PNP nga pinakamataas sa bug-os nga rehiyon sang Disyembre.
Ang UPER ang basehan sang operational kag administrative performance sang mga pulis. Para makuha ang una nga pwesto kinahanglan nga mangin aktibo ang mga police unit sa rehiyon.
May-angot sini, ginpasalamatan naman ni South Cotabato PNP Provincial Director Police Colonel Jemuel Siason ang mga police personnel sa probinsya.
Ginpahayag ni Siason nga ang kadalag-an nga ini ang pamatuod nga epektibo ang istratehiya sang PNP South Cotabato nga JEMUEL o Just Executing Management Unveiling Excellent Leadership kag Performance and Dedication through Service Commitment in Producing Productive Output ukon PDSCPPO.
Resulta man ini suno kay Siason sang teamwork kag dedikasyon sa trabaho sang mga pulis sa probinsya. Napangaduha naman ang North Cotabato PNP nga may 92.42 percent rating kag ikatatlo ang Sultan Kudarat PNP nga may 91.58 percent rating.
