Nanawagan ang PNP region ten sa mga residente sa lalawigan nga magpakabana sa palibot, ug dili i-tolerate ang mga teroristang NPA.
Matud sa kapolisan nga kung adunay mamatikdan nga grupo sa palibot, dali nga motawag o moteks sa pinaduol nga police station, aron nga deretso kini maaksiyunan sa kapolisan ug kasundaluhan.
Tungod niini buot karon ni PNP ten Regional Director, Police Chief Supt. Timoteo Gascon Pacleb, nga pakusgan ang pagbantay sa tanang police station, ug ang pag-conduct sa social investigation aron nga makuha ang suporta sa mga tawo.
Gipanumdum usab ni Chief Supt. Pacleb sa kapolisan ang standard operating procedure nga mga modus operande NPA, sama sa pagpablotter, pagpangayo og tabang, pagpangayo og assistance, ug surprise inspection.
By: Radyoman Aiza Enloran
