Nagpahimangno ang Armed Forces of the Philippine kon AFP ug Philippine National Police kon PNP batok sa mga kandidatong muhatag ug Permit to Campaign ug Permit to Win sa mga New Peoples Arym kon NPA.
Sa interview sa RMN Malaybalay ngadto kang Lt. Col. Edgardo de Leon ang commander sa 403rd Infantry Brigade gibutyag niini nga gihimo lang ingles nga PTC ug PTW apan ang tinood usa kini ka matang sa extortion kon pagpangilkil.
Nagpahimangno si Col. De Leon nga illegal kini ug supak sa RA. 10168 nga nagbawal sa paghatag ug bisan unsang suporta ma material man o pinansiyal sa mga ka-atbang sa gobyerno.
Samtang gidepensa usab ni Ka Malem Mabini ang spokesperson CPP-NPA North Central Mindanao Regional Committee atol sa intrerview sa RMN Malaybalay nga dili extortion ang pagpangayo nila sa revolutionary taxes.
Ning panahon sa eleksyon, galusad sa CPP-NPA sa permit to campaign ug permit to win fees sa mga pulitiko.
Samtang gi-awhag ni Police Regional Office -10 spokesperson Police Lt. Col. Surki Serenias sa interview sa RMN ang mga pulitiko nga mangampaniya sa kabukiran rehiyon nga makigkoordinar sa mga pulis ug militar.
Gibutyag niini nga gilayong e-report sa mga otoridad kun ugaling did-an sila nga mangampaniya sa usa ka barangay.
Aminado usab siya nga dugay na kini nga problema maong kinahanglang itaho sa otoridad aron mahatagan ug intervention.
