Parehong naka-red alert karon ang Philippine National Police ug Armed Forces of the Philippines niining ika 50 ka tuig nga anibersaryo sa New Peoples Army kon NPA kagahapong adlawa.
Sa Camp Alagar, gipahayag ni Lt. Col. Surki Sereñas nga gimando ni Police Regional Director, General Timoteo Pacleb nga ilunsad ang ilang police operation samtang nagpadayon ang iyang implementation sa Red alert.
“Sukad gi-impose sa Malacañang ang Martial law, wala na nato gi-left and red alert, so karon nagpadayon ang atong police operation sibling atong defensive mood” matud ni Sereñas.
Apan matud ni Sereñas nga samtang naka-defense mood and mga police sa ilang mga police station sa tibuok region 10 nagpadayon usab ang ilang community service.
“Usahay man gud tungod sa atong daghan involvement sa community service, makalimot ta usahay sa atong defensive mood, mao karon nga double ang atong effort aron nga maka-serbisyo nata, naka-defense mood pa” matud ni Sereñas.
Samtang matud ni 4th Infantry Division Spokesperson, Capt. Regie Go nga naka-alerto usab ang mga sundalo sa 4th ID sigon sa mando ni 4th ID chief, Major General Franco Nemesio M. Gacal.
Matud ni Go nga gimando-an ni Gacal ang tanang field commanders sa sa 4th ID nga dili hatagag lugar ang mga kaaway sa gobyerno aron dili sila makaporma ug dili madisturbo ang mga sibilyan nga nagpuyo sa mga hinterland barangays nga naa ang presensiya sa NPA.
Gidugang ni Go nga nakala-erto usab ang mga sundalo kay ilang gisiguro nga dili madisturbo ang mga kandidato nga mangampanya sa mga lugar nga naa ang grupo sa mga rebelde.
