Taliwala sa subsob ug hugot nga kampanya batok droga sa kapulisan dinhi sa Probinsya sa Zamboanga del norte, daghan lang gihapon madakpan nga mga tigpayuhot ug tig gamitan ug droga.
Matod pa ni provincial Dir. PCol Ronald Briones, dili sila mo undang hangtod dili mamahimong drug free ang tibuok probinsya, alayon na usab sa kampanya ni Pangulong duterte batok illegal nga droga.
Gi awhag karon sa kapulisan ang si kinsa man nga mga nalambigit gihapon sa droga ning probinsya nga mo undang na tungod kay dili nila undangan ang pag gukod niini.
Tungod kay wala kini maayong epekto diha sa lawas ug huna-huna sa tawo kun dili makaguba lamang kini sa kaugmaon sa usa ka indibidwal.
Angayan pamalandungan nga makahatag lang kini ug dugang problema ug kalisod sa pang adlaw-adlaw nga pagkinabuhi dinhi ibabaw sa kalibutan
Samtang halos maputol ang liog sa biktima sa dihang gitigbas nahitabo didto sa Sitio Tres Brgy Mamad, Baliguian, Zamboanga del Norte sa nakalabay nga adlaw.
Ang biktima mao si Ramcidel Sumalinog, 53 anyos kinsa gitigbas ni Martin Apostol, pulos kini sila residente sa mao nga lugar.
Sa wala pa ang maong insidente, lingaw pa kaayo kini sila nga nag inom-inom hangtod nga nagkalalis nga miresulta na hinuon sa pagpanigbas.
Dali kaayong nakadagan ang suspek padulong didto sa Brgy. Tan-awan sakop sa mao nga lungsod.
Gipangita na karon sa mga pulis ang miikyas nga responsible aron manubag sa salaod nga nabuhat.
