General Santos City–Kasubo ug kalipay ang gibati ni outgoing PRO-12 Regional Director Police Brigadier General Alfred Corpus sa dihang nadawat niini ang relieve order gikan sa Camp Crame niadtong milabay nga adlaw.
Si Corpus mao nay bag-ong labaw sa Directorate For Integrated Police Operation, Western Mindanao Command, samtang mohulip kaniya isip bag-ong PRO-12 Director si incoming PRO-12 Regional Director Micheal John Dubria.
Aminado si Police Brig. Gen. Corpus nga nasubo siya nga byaan ang iyang mga sakop sa PRO-12, tungod kay naanad na siya sa Rehiyon bisan walo palang kini ka bulan nga nagserbisyo isip Regional Director sa PRO-12.
Hinuon mapasalamaton ug nalipay siya tungod ang pagbalhin kaniya isip labaw sa DIPO Western Mindanao Command nagpasabot lang sa pagsaka sa iyang ranggo isip usa ka opisyal sa Police.
Gigayeg usab niini ang kapulisan sa PRO-12 tungod sa kakugihan ug kaseryoso sa ilang trabaho.(CDS)
