Sugod sa Hulyo uno, mi-epekto ang bag-ong katungdanan ni Police Col. Henry Dampal silbing full pledge City Police Director sa Cagayan de Oro City Police Office kon COCPO.
Mao kini ang gibutyag ni COCPO Spokesman Mardy Hortillosa.
Matud ni Hortillosa nga sugod karong adlawa Hulyo tres, mao ang official nga pag-assumed ni Dampal sa pagka city police director ning syudad silbing puli ni anhing Col. Nelson Aganon nga namatay human sa iyang pagka aksidente sa ilang motorcycle riding course sa Camp Avangelista, Patag ning syudad.
Apan matud ni Hortillosa nga samtang naglingkod na si Dampal sa COCPO ilang pang gihulatan ang iyang formal nga Installation, isip hepe sa kapolisan ning syudad.
“We are waiting for the official Installation if there is an order coming from the regional office” matud ni Hortillosa.
Ala una ang takna karong hapon, si Dampal nagpahigayon sa iyang Command Conference sa COCPO headquarters uban sa iyang mga police station commanders ug mga key officials sa COCPO.
Gusto ni Mayor Oscar Moreno nga si Police Brig. General Rafael Santiago ang Regional Director sa PNP sa Region 10 ang mismong mag-install ni Dampal isip bag-ong City police chief ning syudad.
Matud ni Moreno nga andam siyang motambong sa oras nga pormal nga i-install ni Santiago si Dampal sa pagka chief sa COCPO.
Si Dampal mao ang ikaduhang police official nga napili ni Moreno nga iyang ipuli sa katungdanan ni Aganon.
Una pa niini si Col. Benedicto Pintor unta ang unang napili ni Moreno apan wala kini madayon kay si Pintor gikuha sa Intellgence Unit sa Camp Crame gikan sa iyang pagka Provincial Police Director sa Bukidnon.
