General Santos City–Andam Si Police Col. Raul Supiter , City Director sa General Santos City Police Office nga muatubang sa hawanan sa konseho human nga nagpadayag ug kaalarma ang mga konsehal sa nahitabong sunod sunod nga pagpamusil sa syudad.
Sumala pa ni Col. Supiter nga andam sila mutubag sa tanang pagpaklaro nga ipangutana kaniya sa mga konsehal tungod kay mao kini ang sakto nga lugar aron nga mapasabot ug mapahibalo sa kapulisan ngadto sa mga opisyal ang ilang ginabuhat.
Samtang gipaklaro usab niini nga adunay ginahimo ang kapulisan aron nga masulbad ug mapugngan ang mga insidente sa pagpamusil sa dakbayan.
Gipasalig usab ni Col Supiter nga padayon ang ilang pag-imbistiga sa maong mga pagpamusil aron nga makafile ug kaso sa mga responsible aron nga mahatagan ug hustisya ang mga biktima. (Dave Silagan)
