Suspect sa pagpangarnap hugot nga nanghimakak

18

General Santos City–Hugot nga gipanghimakak karon sa usa ka Bryan Quintanilla, 30, nga nanimuyo sa G. Misa St. Barangay Lagao ning syudad nga nangarnap kini ug motorsiklo nga gipanag-iyahan lang usab sa iyang silingan nga si Earl John Lagrimas, 26 anyos, nga residenti sa samang lugar.

Depensa niini nga hubog matud pa siya sa maong higayon gumikan sa 3 ka adlaw nga sunod-sunod nga inom sa ilang lugar ug sa dihang pauli sa ilang panimalay milingkod matud pa kini sa nasangpit nga motorsiklo aron magpahulay.

Apan natingala nalang kini nga pag uli niya sa ilahang panimlay giadtuan nalang kini ug mga pulis ug giaresto tungod matud pa sa pagpangarnap.

Gipaklaro usab niini nga ang flat screw nga nakuha ngadto sa iyang posisyon ang lock matud pa sa pultahan sa ilang balay ug dili improvise nga susi nga gamit sa pagpangarnap ug motor.

Dugang pa niini nga wala usay kamatuoan nga nakuhaan kini ug shabu ngadto sa iyang bulsa sanglit gibutang lang matud kini sa mga mirespondeng pulis. (Dave Silagan)

Facebook Comments