Roxas City, Capiz- Nagtuhaw subong ang pangalan ni Police Col Julio Gustilo bilang masunod nga provincial director sang Capiz PPO.
Ini matapos nga isa ka sulat ang ginpadala ni Capiz Governor Esteban Nonoy Contreras padulong kay OIC PNP Chief Lt. General Archie Gamboa pinaagi kay PRO-6 Regional Director Brigadier General Rene Pamusposan nga naga-endorso kay Gustilo bilang bag-o nga provincial director sang Capiz PPO.
Pagatal-osan ni Gustilo si outgoing provincial director Col Canilo Fuentes.
Base sa inisyal nga impormasyon, igapatigayon ang turn-over of command ceremony sa adlaw sang Lunes, Disyembre 2 sa Capiz PPO.
Sa mahibaluan nga si Police Col Julio Gustilo ang nangin anay hepe man sang Roxas City PNP antes nga nangin Provincial Director sang Guimaras PPO.
Nag-uyat man ini sang matag-as nga posisyon sa PRO-6 kag nangin hepe sang Police Aviation Security Group nga naka-base sa Iloilo International Airport.
photo(c)- Capiz Kabalaka Information Center
