Police nagklaro, Bacolod indi makabig hospot sa cybersex

BACOLOD CITY – Kapigaduhon ang rason kon nga-a naga-sulod sa cybersex sang pila ka kababainhan kag mismo gina-gamit ang ila mga kabata-an.

Suno sa BCPO WCPD Head Senior Police Officer 4 Arlene Torendon, nga kapin sa P3,000 pesos ang bayad sa tagsa ka menor de edad nga ila gina-gamit sa cyber sex sa diin makabig naman ini nga easy money.

Dugang pa ni Torendon, nga wala naman sang koneksyon gikan sa dalagku-an nga cybersex syndicates ang mga nagkaladakpan diri sa Bacolod.


Gina-klaro naman ni Bacolod City Police Office – BCPO Chief – Senior Supt. Jacky Wanky nga indi hotspot sa cybersex ang syudad sang Bacolod kundi makabig lang ini nga area of interest.

Paathag ni Wanky nga wala sang basalehan ang nag-gwa nga report sang isa ka local newspaper nga hotspot ang Bacolod para sa cybersex sa diin makabig ini nga exaggeration kag ginabutang sa bad limelight ang syudad.

Sa pihak nga bahin, yara na sa karon sa custody sang Department of Social Services Division (DSSD) ang anum ka mga menor de edad nga na-rescue sa gina-tudlo cybersex den sa Brgy. 26, diri sa syudad sang Bacolod.

Suno kay DSSD Head Pacit Tero nga yara karon sa ila safehouse ang mga minors sa diin ila ini ginapa-idalum sa counseling kag psychological interventions.

Dugang pa ni Tero nga madugayan antis maka-pauli sa ila balay ang mga menor de edad samtang gina-check sang mga social workers kon may yara na sang pariente ukon mga guardian nga maga-tatap sa mga kabata-an.

Nahibalu-an nga kapin sa napulo na ka mga menor de edad ang yara sa custodiya sang DSSD matapos ma-rescue sa cybersex den.

Facebook Comments