Sarangani Province–Desidedong mopasang-at ug kaso ang mag-amahang Henry ug Niño Dopalco nga taga Barangay Fatima Gensan ngadto sa police nga si Police Senior Master Sergeant Ramil Rafanan kansa nagmaoy matud pa sulod sa sabungan didto sa Malapatan, Sarangani province niadtong nakalabayng adlaw.
Sumala sa reklamanteng si Henry nga ila nang ginaasikaso karon ang pagpasang-at ug kaso batok kang Rafanan nga naasign sa Malapatan PNP.
Nasayran nga nanabong ang mag amahan sa sabungan sa Malapatan, apan nagkabingkil ang police nga si Rafanan ug ang reklamanteng si Niño gumikan sa taya sa sabong.
Dugang pagbutyag ni Henry Dopalco nga subay sa pahayag sa iyang anak, adunay natigayong kumusyon tali kaniya ug gibaharan pa siya sa suspek nga patyon.
Nasayran nga napildi ang Police sa sabong samtang daog usab ang reklamanteng si Niño kansa maoy tinubdan sa pagmaoy sa nasampit nga police.
Samtang Gikumperma ni Police Lt. Col. teody Condesa ang tigpamaba sa Sarangani Police Office nga nakaabot na sa ilang buhatan ang gihimo sa police nga si Sr. Master Sergeant Rafanan.
Gani sumala pa na-relieve na sa Malapatan PNP ang nasampit ug anaa na karon sa Police Holding And accounting Unit sa Sarangani Police Office.
Gawas sa kasong administratibo mag atubang usab ug kasong criminal ang maong police human nga mireklamo ang mag amahan kansa naagrabyado niini human kining nagmaoy.
