General Santos City—Suportado matud pa sa kanhing labaw sa Police Regional Office-12 nga si Police Chief Supt. Ceddic Train si Police Chief Inspector Ryan Lim, hepe sa Glan Municipal Police Station, kansa maoy nakapusil patay sa gialigarang karnaper nga si Teddy Otadora human matud pa kining nangilogug pusil sa pulis samtang anaa sulod sa Police Station sa Glan niadtong nakalabayng simana.
Sumala pa ni Gen. Train nga mas ginatuohan niini ang bersyon sa Glan MPS nga nangilog gyud ug armas ang nasangpit hinungdan nga napusilan kini sa pulis. Gihingusgan pa ni Gen. Train nga basis a mandato kanila sa labaw sa kapulisan sa nasud, matag operasyon sa PNP dapat alerto gyud ang ilang personnel.
Kung muabot sap unto nga dunay ilang dinakpan nga musuway ug sukol o dili ba kaha mangilog ug pusil, ila na kining unhan sanglit sila maoy mapatay sa mga suspek.
Dugang pa ni Col. Train nga normal lang sa usa ka opisyal sa police nga depensahan ang iyang mga sakop gikan sa mga suspek nga ilang masikop. (Dave Silagan)
