Gipahinumduman ni Cagayan de Oro City Police Office o COCPO Director Police Sr. Supt. Nelson Aganon ang tanang unit commanders nga siguruhong mapatuman ang mga police operations batok terorismo, insurhensiya ug kriminalidad.
Matud ni COCPO Spokesperson Mardy Hortillosa nga kini pinaagi sa pagpahigayon sa hugot nga border checkpoints, COMELEC Checkpoints, patrolling, intelligence gathering ug uban pa.
Kini nga pahinumdum daling gipagawas ni COCPO Director Aganon alayon sa nahitabong pagpamomba sa Jolo, Sulu kagahapong adlawa nga gikamatay sa kapin 20 ka tawo ug gikaangol sa daghang sibilyan.
Gibutyag ni Supt. Hortillosa nga gimandoan ni Director Aganon ang tanang commanders nga bantayan ang mga areas nga daghan tawo, mag coordinate sa counterparts sama sa army ug intelligence community.
Tumong niining masiguro nga matabangan ang pagbantay sa syudad sa Cagayan de Oro.
Gidugang ni Hortillosa nga personal usab nga ginamonitor ni Director Aganon ang mga personahe sa ilang mga ginahimo.
