Ginapatutukan na sang provincial director sang Negros Occidental Police Provincial Office (NOCPPO) ang mga anggulo nga gintuad ni Police Staff Sergeant Miguel Perez matapos nga ini ang gin-ambush sa Sofia Gonzaga Avenue, Camelot Village 1, Barangay Estefania, Bacolod City, pasado las 10:30 sang aga, Hunyo 7.
Ginbisitahan na sa hospital ni Col. Romy Palgue si Perez sa hospital matapos ini ginpa-arakan luthang sang wala pa nakilal-an nga mga suspetsado samtang sakay sang iya salakyan.
Sa interview sang DYHB kay Palgue, ginpahayag sini nga ginapatutukan na niya ang mga gintuad ni Perez nga anggulo may angut sa insedente apang indi pa niya mabuyagyag ang detalye.
Nahibaluan nga si Perez ang assigned sa admin kag legal office sang NOCPPO.
[image: image.png]
