Gi-inspeksyon sa Police Regional Office O PRO 10 ang mga sementeryo, terminal ug simbahan sa Cagayan de Oro ug Misamis Oriental kagahapong adlawa.
Matud ni PRO 10 Spokesperson Police Supt. Lemuel Gonda nga kini giunhan ni PRO 10 Director Chief Supt. Timoteo Pacleb.
Kini aron masiguro ang seguridad sa katawhan nga modagsa sa nagkalain laing sementeryo sa rehiyon.
Samtang mihimo usab sa pagsusi sa mga bus terminals ang Land Transportation Office o LTO ug Land Transportation Franchising and Regulatory Board o LTFRB Region 10.
Kini aron masiguro ang kaluwasan sa mga sumasakay sa bus ug jeep.
Matud ni LTFRB Officer-in-charge Allan Guro ug LTO Director Oscar Salcedo nga walay nagpabadlong nga mga bus companies ug jeepney drivers atol sa ilang pagsusi kagahapong adlawa.
By: RadyoMaN Annaliza Amontos-Reyes
