General Santos City–Nagpabilin gihapon nga taas ang moral sa kapulisan sa Gensan City Police Office, luyo paman sa kontrobersyal nga eskandalo nga gikalambigitan sa pipila ka mga police partikular ang Police Paluwagan Movement o PPM.
Matud ni Police Col. Aden Lagradante, ang PNP city director sa GSCPO nga dungan sa iyang paglingkod iyang gimaymayan ang tanang niyang mga sakop nga ipadayon lang ang ilang trabaho ug dili paapekto maong eskandalo.
Samtang gikumperma pa sa opisyal nga aduna na usay mga pulis sa GSCPO nga naghatag sa ilahang affidavit of complaint batok sa mga namuno sa PPM apan wala niini gibutyag kung pila ang ihap sa mga nasampit.
Girespeto man usab sa maong labaw ang mga pulis nga dili na muhatag sa ilahang affidavit tungod posibleng naulaw , ug gibutyag pa sa opisyal nga ilaha man usab kining katungod.(Dave Silagan)
