General Santos City–Gikumperma ni Police Major Rexor Canoy ang tigpamaba sa General Santos City Police Office nga nag negatibo gayud ang resulta sa paraffin test sa person of interest sa Police Station 3 nga si Police Staff Sergeant Clifford Randell Bayangdan sa nahitabong pagpamusil patay gawas sa explore niadtong milabay nga simana.
Sumala pa ni Major Canoy nga sa karon ginapaabot nalang usab nila ang mamahimong resulta sa ballistic examination ug cross matching exam sa service firearms ni Bayangdan.
Apan gipaklaro niini nga bisan paman ug nag negatibo sa paraffin test ang maong pulis dili kini pasabot nga wala siya nagpabuto ug armas tungod kay daghan matud pa ug factor nganong dili mabutangan ug pulbora ang kamot sa nagpabuto sama nalang kung singtanon ang kamot niini ug uban pa.
Giangkon ni Major Canoy nga pabor sa nasangpit nga pulis ang resulta sa paraffin test ngadto kaniya apan hangtod sa kasamtangan nagpabiling siya gihapon ang person of interest nga gina-imbistigahan sa Police Station 3 sa maong panghitabo.(Dave Silagan)
