Minor de edad nga nahulog sa Ferris wheel nag una-una matud ug abri sa portahan

12

General Santos City–Nag una-una matud pa ug abri sa pultahan sa Ferris wheel ang usa ka minor de edad nga si alyas Jane bisan dili pa ang iyahang torno sa pag naug hinungdan nga nahulog kini niadtong milabay nga gabie samtang naka sakay sa maong rides.

Sumala pa sa usa ka alyas Bojong kansa maoy naga operate sa mga makina sa maong peryahan nga ayha mosakay ang mga customer nila ilaha na kining gina panghimangnuan daan nga dili gayud mag kiat samtang sakay sa maong rides ug dili basta-basta ablihan ang pultahan ug dili pa kini monaug.


Dugang pa ni Bojong nga wala gyud sila magkulang sa pagpahimangno ngadto sa mga mosakay sa ilang mga Rides aron nga malikayan ang disgrasya apan aduna gyo’y pipila nga dili mosunod niini.

Bisag paman sa pagkahulog ni Jane sa Ferris Wheel, ilang gipaniguro nga safe ang ilang mga rides gumikan ayha kini mo-operate ilang gisiguro nga maayo ang kondisyon niini. Ilahang hangyo lang sa ilang mga customer nga sundon ang instructions sa mga empleyado sa peryahan aron nga dili madisgrasya.

Nasayran nga gitubag sa operator sa Peryahan ang tanang galastuhon sa pagpa-ospital sa minor de edad human nasamdan sa insidente. (Dave Silagan)

Facebook Comments

From Advertisers