General Santos City–Gagpadayon ang ginahimong imbestigasyon sa kapulisan human ang pagpamusil mga biktimang sila si Suharto Ebus ug Karatuan Guimal.
Sumala kang police capt. Abdulsalam mamalinta, hepe sa Police Station 1 nga subay sa kuha sa cctv camera, duha ang mga suspek nga sakay sa usa ka motorisklo kung asa kalit nga gipamusil ang mga biktima samtang naglingkod sa kanto sa Matalam St. atubangan sa Office Of The Muslim Affairs.
Subay matud pa sa impormasyon, anaa sa maong lugar si Ebus gumikan sa gina-settle para sa kustudiya sa iyahang anak.
Dugang pamahayag ni Capt. Mamalinta nga narekober sa crime scene ang onse ka mga basyo sa kalibre 45 nga armas nga maoy gigamit sa pagpamusil.
Dako matud pa ang posibilidad nga gisundan sa mga suspek ang mga biktima ug nakahigayon dihang nakit-an sa may City Hall Drive.
Saysay ni Mamalinta nga ilahang himuon ang tanan aron nga masulbad ang maong kaso.(LVR)
