General Santos City—Magpahigayon ug assessment ang pamunuan sa Police Station 1 bahin sa pagkasunog sa mga bunkhouses kung aduna bay nahitabong pagpasagad sa ilahang mga personahe. Nasayran nga kasamtangan pang ginapaabot ang resulta sa imbestigasyon sa Bureau of Fire Protection-General Santos sa pagkasunog sa pito ka mga bunkhouses sa compound sa Police Station 1.
Segun ni Police Captain Abdulsalam Mamalinta, hepe sa Police Station 1 nga sa karon ginapaabot pa nila ang resulta sa ginahimong imbestigasyon sa BFP-Gensan kung unsa ang hinungdan sa sunog.
Gikabutyag usab ni Mamalinta nga matag karon ug unya gina-check gyud sa ilang mga personahe ang ilahang mga gamit hilabi na kung sila molakaw hinungdan nga wala gayud silay ideya nganong kini nasunog.
Gikumperma usab ni Mamalinta nga adunay usa ka granada ang anaa sa usa ka kwarto nga apil nasunog ug swerte nalang nga wala kini mibusikad.(Dave Silagan)
