General Santos City–Aduna nay gisundan nga lead karon ang Police Station 4 bahin sa nahitabong pagpanigbas patay sa wala pa nganling suspek sa usa ka care taker ug luna nga si Eduardo Mahusay, 48 anyos nga nanimuyo sa Barangay Alegrea, Alabael, Sarangani Province ug care taker sa Uson Compound nga nahimutnag sa Prk. 17, Philgo, Brgy. Mabuhay ning syudad.
Sumala pa ni Police Major Alex Lanestosa, ang hepe sa Police Station 4 nga sa karon dili pa nila mahimong ibutyag ang ilahang ginasundan nga lead ug ang person of interest tungod kay padayon pa silang nagapangalap ug ebidensya aron nga matumbok gayud ang suspect sa kremin.
Dugang pa ni Lanestosa nga basi sa ilahang nahimong pakighinabi sa mga kaubanan sa biktima nga pagkagabie ayha nakita nga wala nay kinabuhi ang suspect wala matud pa silay namatikdan nga kagubot sa gipuy-an sa nahisgutan ingon man wala man usay nakalaban ang nasangpit nga biktima.
Nasayran nga nakita nalang kini sa iyang kaubanan nga wala nay kinabuhi kansa napuno ug samad tinigbasan ang lawas sulod mismo sa bunkhouse nga gipuy-an niini. (Dave Silagan)
