General Santos City–Blangko karon ang mga kabanay sa usa ka Jose Arnel De Asis 49 anyos usa ka laborer, ug residenti sa Gensan Vill, Barangay Bula ning syudad kung unsa ang atraso sa nahisguitang biktima sa mga suspetsado.
Sumala pa ni Tammy Apines, ugangan sa biktima nga wala man sila nasayod kung kinsa ang mga posibleng nakalaban ni De Asis tungod kay gikan sa palengke moderetso matud pa kini ug uli ngadto sa ilahang panimalay ug wala man usab kini nasulti kanila nga siya may nakalaban o nakabingkil.
Nakurat nalang matud pa kini nga gikuha kini ug mga lalaki nga nakasakay ug sakyanan nga itom ug nakapurong ang nawong niadtong milabay nga Byernes sa gabie sa dihang nagpalit sila ug tubig.
Nagtuo sila nga gidakop lang kini sa mga pulis hinungdan nga giadtuan ang mga Police Station ning syudad lakip na ang Camp Fermin Lira apan pakyas sila nga makita ang nahisgutan hangtod nakabalita nalang sila nga dunay usa ka lalaki nga gilabay sa bagnutan nga bahin sa Polomolok niadtong milabay nga Sabado ug sa dihang ilahang gisuta mao kini ang biktima nga gikuha sa wala mailhing mga lalaki.(Dave Silagan)
