Gidala na sa Intensive Care Unit sa Northern Mindanao Medical Center si Police Supt. Michael Jhon Deloso human gi-operahan human gi-ambush sa duha ka wala mailang suspek nga riding in tandem mga alas 9:45 kagahapon sa buntag duol sa Misamis Oriental Provincial Capitol.
Mao kini ang gibutyag ni Supt. Surki Sereñas nga Spokesman sa Police Regional Office sa Northern Mindanao.
Matud ni Sereñas nga mga pasado alas singko kagahapon si Deloso gidala sa ICU alang sa iyang recovery.
Gibutyag ni Sereñas nga mga alas 10:35 kagahapon sa buntag si Deloso gidala sa Operating Room sa NMMC ug gi-operahan.
Nakuha sa mga government doctors gikan sa lawas ni Deloso ang upat ka bala gikan sa wala mailang kalibre sa pusil.
Didto sa Crime Scene, nakuha sa imbestigador sa SOCO ang ang dul-an 30 ka basiyo sa bala sa kalibre .45 ug 9mm pistol gikan sa wala mailang suspek nga nagsakay sa usa ka motorsiklo.
