Ta mejora aura el policia local con el profiling y monitoring del maga foreign nationals que ta esta aqui na ciudad.
Asegun con el portavos del Zamgoanga City Police Office (ZCPO) Inspector Edwin Duco, chene ya sila el se llama “short list” aserca el identificaccion, locaccion y mga actividades ta hace estos mga estranghero aqui na ciudad.
Ta verifica tambien el policia con el estado del mga papeles y legalidad de esos na diila estada aqui na fueblo.
Fuera de este, ta asegura tambien el policia cay estos mga estranghero taqui lang na ciudad y hinde guinda na otro provincial por el question de seguridad.
Si Duco ya abla cay ta coordina sila con el Ahencia de Immigraccion para fuede saca mga justo detalye aserca el estado de esos mga estranghero que ta esta aqui na Zamboanga.
Fuera con el policia local, de mas temprano ya adopta ya semejante proceso el Philippine Coast Guard aqui na ciudad para privini conestos mga estranghero viaja para na mga sercano provincial usando el ruta del pantalan local. – *Bhong Simbajon/RMN News*
