Davao City- Nadakpan sa Sta. Ana PNP ang usa ka bag-ong nailhang drug pusher nga nagapamaligya og shabu atol sa gilusad nga buy bust operation sa kapulisan kauban ang pwersa sa PDEA XI natigayon alas 10:35 sa gabii sa Barangay Tibungco ning syudad sa Davao.
Subay sa blotter sa kapulisan ang dinakpan, naila sa pangalan nga Wenalyn Labrador Wilson, 21 anyos samtang nakatakas ang usa ka kauban niini nga ginganlang Gilson Lampios, hingkod ang edad, pulos nagpuyo sa nasangpit nga lugar.
Atol sa pagsikop, nakuha sa dinakpan ang usa ka pouch nga dunay sud nga 7 ka elongated heat sealed transparent plastic sachet nga gituohang shabu, usa ka unit nga cellphone ug duha ka ID ni Lampios.
Banlug na sa prisohan si Wilson samtang padayon pang nagpahigayon og man hunt operation ang kapulisan aron madakpan ang kauban niini.
Kasong paglapas sa Republic Act 9165 kun Comprehensive Dangerous Drug Act of 2002 ang atubangon sa mga suspetsado.
Kasamang Don Pulayao
