Gitangtang na sa serbisyo isip pagka- polis si PO2 Arnold Almanzor Jr. sa Police Station 10 Cugman, human nga madakpan kini sa gihimong buy bust operation, sa kapolisan sa Tagoloan Municipal Police Station.
Kini ang gikompirma ni Police Supt. Lemuel Gonda, ang Spokesperson sa PNP region ten.
Matud ni Supt. Gonda, nga daan ng adunay mando ang Chief PNP nga i-dismissed sa serbisyo ang kinsa mang police personnel nga malambigit sa illegal nga droga, ilabi na kung magpositibo sa drugtest o namaligya sa illegal nga droga.
Dugang pa ni Supt. Gonda, nga aduna usab pending nga kaso si PO2 Almanzor, human niini nga gi-altered o nagbalon og ihi nga dili iyaha, sa miaging drug test nga gihimo sa PNP.
By: Kasamang Mishelle Enloran
