General Santos City—Gikumperma ni Mommy Dionesia Pacquiao, inahan ni Sen. Manny PAcquiao nga siya gitanyahan nga magpapili isip representante sa mga Senior Citizen sa kongreso sa 2019 election.
Atol sa pakighinabi sa Media ngadto kang Mommy D kagahapong adlawa dungan sa pagtambong niini sa piniliay sa ABC sa Mt. Sabrina resort nga nahimutang sa Barangay Tambler iyang gibutyag nga duna matud pay nag-awhag kaniya nga sudlan ang politika.
Apan tubag ni Mommy D nga sa karon wala pa sya nag desisyon luyo paman nga nagpadayag ug suporta kaniya ang iyang mga anak lakip na si Sen. Manny Pacquiao.
Dugang pa ni Mommy D nga sa karon siya nalipay human nga nakaplastar ang iyang mga anak sa Politika ug hilabihan sab ang iyang kalipay nga ang iyang umagad nga si Labangal kapitan Lorelie Pacquiao ang nahimong ABC president sa Gensan.
