South Cotabato- Giila isip 2018 Cleanest and Greenest Local Government Unit (LGU) sa South Cotabato ang lungsod sa Polomolok.
Mukabat sa P800,000 ug plaque of appreciation ang nadawat sa Polomolok atol sa gihimong awarding ceremony nga gipahigayon dungan sa opening sa 19th T’nalak Festival ug 52nd Foundation Anniversary sa South Cotabato niadtong nakalabayng adlaw.
Nakuha sa Polomolok ang Best Public Market, Best Plaza and Parks, Best Material Recovery Facility ug Best Municipal Nursery nga may premyo nga tig-P30,000.00.
Samtang gikan sa 1st place niadtong tuig 2017, anaa nalang sa 2nd place ang Surallah nga nakadawat ug premyo nga P500,000.
Samtang nakuha sa lungsod sa Sto. Niño ang ikatulo nga pwesto nga may P300,000 nga premyo ug plaque. Nakuha usab nila ang Best Roadside Beautification nga may premyo nga P30,000.
Samtang giila usab ang Tboli isip 4th place nga may premyo nga P180,000; 5th place ang Tampakan nga nakadawat ug premyo nga P100,000 ug 6th place ang Tupi nga may P80,000.
