Gindeklarar nga most functional municipal council for the protection of children subong nga tuig ang banwa sang Polomolok nga nakabaton sang P60k nga premyo, 2nd place naman ang Tupi nga nakabaton sang P50k nga premyo kag 3rd place ang banwa sang Surallah nga nakabaton sang P40k nga premyo.
Samtang nalab-ot naman sang Koronadal City, Sto. Niño, Tantangan kag Tampakan ang ideal level of functionality sang LCPC.
Ginbasehan naman sa paglantaw sa functionality sang LCPC ang organization, meeting, policies, plans and budget, kag accomplishment sini.
Nagdaug naman ang Tupi National High School sa jingle infomercial making contest nga nakabaton sang P10k nga premyo, 2nd place Sto. Nino National High School nakabaton sang P7, 500.00 kag 3rd place naman ang Tampakan National High School nga nakabaton sang P5k nga premyo.
Ginpatigayon ang awarding kahapon nga adlaw kadungan sang State of the Childrens Address ni Governor Reynaldo Tamayo Jr., kabahin sang aktibidad sa childrens month celebration subong nga Nobyembre.
Ginhatagan naman punto sang gobernador sa iya nga SOCHA ang pagtutok sa ikaayong lawas sang mga iloy kag mga kabataan nga wala na sang mapatay sa tion nga magbun-ag sila kag subong man ang pagdugang sang honorarium sang mga day care workers sa masunod nga tuig.
