Polomolok, South Cotabato–Na-monitor na sa Polomolok Municipal Police Station ang lihok sa Dawlah Islamiya Nilong Group sa ilahang Area Of Responsibility kung asa aduna na matud pay mibarog isip bag-ong lider. Sumala kang Police Capt. Rommel Hitalia, Deputy Station Commander sa Polomolok PNP nga lakip sa ilahang gina-monitor mao si Macatigil Asis alyas Tadoy Macatigil nga responsable sa managlahing krimen hilabina sa pagpamusil-patay sa Polomolok.
Sa karon matud pa, padayon nilang ginasuta ang nahimutangan sa nahisgutan gumikan aduna kini ubay-ubay nga mga warrant of arrest tungod sa managlahing kaso. Dugang pamahayag ni Capt. Hitalia nga dili imposible nga si Tadoy Macatigil maoy mupuli nga lider sa maong grupo gumikan halos tanang miyembro sa Nilong Group ang napatay na sa managlahing operasyon.
Subay matud pa sa inisyal nilang imbestigasyon, si Tadoy Macatigil maoy nagsibiling Right Hand sa mga nilong rason nga ilaha karong ginamonitor ang lihok niini. Pag-angkon ni Capt. Hitalia, nga adunay signature ang pagpatay sa maong grupo sa ilahang mga biktima rasn nga dali lang alang kanila ang pag-identify sa mga posibleng suspek.(LVR)
