Aplikasyon sa 55 ka mga establishemento nga nangayug exemption sa pagpatuman sa usbaw sa suhulan, aprubado na!

27

Aprobado na ang aplikasyon sa mokabat sa 55 ka mga establishemento sa rehiyon dose, bahin sa exemption sa pagpatuman sa second trance sa wage increase nga P10. Matud ni RTWB 12 Secretary Jessie Dela Cruz sa karon anaa na sa 60 ka mga establishmento sa rehiyon ang nag – apply ug exemption.

Kahinumduman nga sa wage order no. 21 anaa sa P25.00 ang wage adjustment sa mga empleyado sa mga pribado nga kumpanya, apan gitunga kini sa duha ka tranche. Gi-implementar ang unang tranche niadtong Pebrero 2, 2020 nga P15.00 ug ang ikaduha nga tranche nga P10 niadtong Mayo 1, 2020.


Apan tungod sa epekto sa COVID 19 nangayo ug exemption ang mga kumpanya nga dili ipatuman ang P10.00 nga increase. Samtang hangtud lamang sa Pebrero 2, 2021 ang gihatag nga exemption sa RTWPB 12 sa maong mga kumpanya ug human niini, angayang ipatuman na ang 10 pesos nga usbaw isip ikaduhang hugna sa pagpatuman sa wage increase.

Facebook Comments