*General Santos City— Gipaklaro ni Glan Mayor Vivian Yap nga walay dautan sa Political Dynasty kung makahatag man lang ug saktong serbisyo ngadto sa katawhan.*
*Sumala niya nga katawhan maoy nagapili sa kinsa mang gusto nilang mahimong lider sa usa ka lungsod, syudad o bisan na sa nasud ug kini gina-ila isip usa ka demokratikong lakang sa ang Pilipinas ug kini ginahimo pinaagi sa eleksyon.*
*Alang kaniya nga isip gikan sa usa ka pam,ilyang anaa sa pulitiko, dili nila sala nga sila gipili sa katawhan aron nga ihatag ang serbisyong ilang gikinahanglan.*
*Dugang pamahayag ni Mayor Yap nga dapat dili na tan-awon kung gikan ba sa pamilyang anaa s apulitika ang usa ka lider kundili kung unsa ang kaya niining himuon para sa iyahang mga ginsakupan.*
*Sama nalang matud pa sa ilahang pamilya nga dugay ng anaa sa katungang gikan pa sa iyahang amahan ug siya kampante nga dunay nahimo para sa kalambuan sa lungsod sa Glan.*
