Duha ka lalaking nagbugal-bugal sa mga Police, hingpit nang gikasuhan

18
Handcuffs

General Santos City–Hingpit nang gikasuhan sa Police Station 6, ang duha ka mga mga suspek nga silang si Rasul Ali Katug, 19 anyos, ug Lovin Doble Tizon, 24 anyos nga taga Barangay Calumpang, kansa nagbugal bugal matud pa ngadto sa mga police alas 12:30 ang takna sa tungang gabie sa may Royeca BLVD., Barangay Bula, Gensan.

Sumala ni Police Major Tirso Pascual, Hepe sa Police Station 6 nga kasong direct assault ug resistance and disobedience to authority ang kasong gipasang-at nila ngadto na sa mga suspetsado.


Kahinumduman nga dawsa giyaga-yagaan ug gibastos pa sa duha ka mga suspek ang mga police nga nagpatrolya sa maong lugar diin ila pang gipakitaan ug dirty finger ang kapulisan mao nga sila gigukod ug gidakop dayon gibalhog ngadto na sa silda.

Gibutyag ni Major Tirso Pascual nga dili niya tugutan ang kinsa man nga mag bugalbugal ug magyaga-yaga ngadto sa kapulisan.

Matud pa nga sila sa kapulisan naningkamot nga magpabiling luwas ang katawhan ug mamintina nag kahapsay ug kalinaw sa ilang lugar nga ginsakupan, apan aduna pay pipila ka mga tawo nga ubos ang panglantaw sa ilang han-ay.

Tungod niini ilang gisampulan ang duha ka dinakpan aron nga dili na sundugon pa sa uban.

Facebook Comments

From Advertisers