Gihimong punduhanan sa mga addict, tambayanan sa mga batan-un ug gihimong dating place sa mga tinun-an ang multi million nga wala mapusli nga Poly Sport Complex sa City Government sa Butuan.
Subay sa record sa kapulisan, nasapon nila sa akto ang mga batan-un nga nag imbudo sa lugar, gihimong lublubanan sa mga manag-uyab.
Ang maong minilyon nga kantinidad sa poly sports complex, nahimo kini nga issue sa pulitika sa miaging eleksyun, ug usa kini sa kontrobersya nga gibilin ni Mayor Jun Amante sa iyang pagkapildi sa eleksyun.
Sa taho, na turn over na ang maong proyekto gikan sa contactor ngadto na ni former Mayor Amante, apan ang maong turn over wala gi acknowledge ni Mayor Ronnie Vic Lagnada,s a rasun nga aduna kini kaso sa Ombudsman naka pending. Sigun pa adunay mg anomaliya ang maong proyekto.
Sigun sa impormasyun, bisan kinsa ang makasulod sa lugar kay gi pull out ang mga gwardia niini nga mga sakop sa CSU sa City.
GIpangkawat sumala pa ang mga wire ug uban pang gamit sa suga sa maong lugar maong ngitngit.
Apan sa kabahin sa konseho sa Butuan, Aminado si City Councilor Atty. John Gil Unay nga angayan matagaan ug pagtagad ang problema sa Polysports Complex sa brgy. Tiniwisan ning syudad diin gihimu nang dating ug mating placed sa pipila ka mga magtutungha human gi-pull out ang gwardya niini gikan sa Civil Security Unit (CSU) sa city hall.
Personal nga estoryahon ni Konsehal Unay si City Councilor Atty. Ernhest John Sanchez, isip chairman sa Committee on Peace and Order sa Konseho aron matagaan ug pagtagad ang nasangpit nga problema.
Bisan si Konsehal Unay nagtoo nga nga dili maayung tan-awon nga walay magbantay nga security gikan sa city hall diha sa Polysports Complex.
Nadawat sa RMN DXBC Butuan ang impormasyon nga gihimu nang haybotanan sa mga drug users ingun man daw nahimung lodging house sa mga mag-uyab ang Polysports Complex.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
