Wala sang pondo ang isa ka rason nga target kuntani subong nga tuig nga makaoperate ang provincial dog impounding facility sa banwa sang Surallah matapos nga may-yara naman sang ordinansa nga gin-aprobahan ang Sangguniang Bayan angot sa operation sang nasambit nga pasilidad.
Samtang suno kay Vice Mayor Pinky Divinagracia napasulod naman sa budget sang banwa sa masunod nga tuig ang para sa operation sang dog impounding facility nga nagakantidad sang P1 million.
May-angot sini, posible sa first quarter sa masunod nga tuig matigayon na nga makaoperate ang pasilidad nga nahamtang sa Brgy. Centrala sa nasambit nga banwa.
Ginkumpirmar man ni Surallah Mayor Antonio Bendita nga nagpangayo man siya sang financial support kay Governor Reynaldo Tamayo Jr., para sa dugang nga pondo sa operation sang dog pound agud mangin provincewide ang implementasyon.
Nahibaluan nga nagalab-ot sa P1.8 million ang gin-alokar sang provincial government para sa construction sang nasambit nga pasilidad agud makontrol ang pagdamo sang stray dogs kag paglapta sang makapatay nga rabies virus.
