Guipos, Zamboanga del Sur – Gikamada na sa 53rd Infantry Matapat Battalion ang pagproseso isip benepisyaryo sa Enhanced Comprehensive and Local Integration Program kon E-CLIP alang 18 ka mga rebelde nga mitahan ning bag-ohay lang.
Atol sa Ground Breaking Ceremony sa Half Way House sa Camp Sabido, Guipos, Zamboanga del Sur gipresentar ang mga nitahan nga rebelde bitbit ang tag-as nga kalibre sa armas.
Ang armas nga gitahan gilangkuban sa usa ka M1 carbine rifle, usa ka garand, improvise M14, usa ka Calibre 38, duha ka calibre 45 nga pistola ug homemade shotgun.
Sa maong okasyon nanumpa ang mga kanhing rebelde nga makig-alayon na sila gobyerno ug sensiro nga mosuporta sa programa sa natad na sa pagpatunhay sa peace and order.
Namalibad usab ang kadumalahan sa 53rd IB sa paghatag sa mga identipikasyon sa mga kanhi communist fighters nga mitahan sa ilang kampo aron maprotektahan usab ang mga pamilya niini.
Ang maong kalampuson resulta sa kampanya sa gobyreno nga tuldukan ang problima sa mga kumunista ug mga armadong grupo sa kabukiran o naila sa kumon nga tawag nga ELCAC kon End Local Communist Armed Conflict nga gipalig-on sa Executive Order No. 70 ni Presidente Duterte.
