Nagalab-ot sa masobra P20.7 million ang gin-alokar nga pondo sang provincial government sang South Cotabato sa Provincial Anti-Drug Abuse Council ukon PADAC subong nga tuig para sa anti-illegal drug activities sini.
Nahibaluan nga sang nagligad nga tuig yara lang sa masobra P14.5 million ang pondo sa PADAC.
Sa nasambit nga pondo daku nga bahin sini ang magakadto sa operation sang Balay Silangan Reformatory Center kapareho sang rehabilitation, reintegration kag aftercare sang mga drug surrenderers nga nagakantidad sang P10.68 million.
Samtang sa law enforcement gin-alokaran sang P2.38 million, samtang sa preventive education ang ginpainan sang P2 million kag ang iban nga pondo ang gin-alokar sa iban pa nga mga programs kag projects sang mga council members.
May-angot sini, ang South Cotabato Police Provincial Office (SCPPO) ang ginhatagan sang P2.5 million para sa ila Drug Abuse Resistance Education nga ginpainan sang P400,000; Cash Reward sa anti-illegal drug operation – P2 million kag Preventive Education,- P400k.
Ang Philippine Drug Enforcement Agency 12 (PDEA) ang may-yara sang P402, 500 para sa Intelligence Workshop; P600k ang magakadto para sa ila nga Preventive Education sa idalom sang Department of Education.
Yara naman sa P170k ang gin-alokar sa advocacy campaign sa idalom sang Provincial Information Office, P441k para sa Provincial Social Welfare and Development Office nga gamiton sa training expenses on Family /community-Based Preventive Education and Lifeskills for youth, Php150k para sa training expenses sang V-Advocacy sang Provincial Population Office.
Nagalab-ot naman sa P50k ang ginhatag sa Human Resource Development Division para sa program on Drug-Free Workplace; P600k para sa Drug Testing kits and Community-Based and Development Rehabilitation Program sang Integrated Provincial Health Office.
P150k naman ang ginpain para sa Therapeutic Community Ladderize Program sang Parole and Probation office, P200k para sa Behavioral Reformation Program sang South Cotabato Rehabilitation and Detention Center., P632k para sa capacity building activities bilang suporta sang Municipal/Provincial ADAC.
Samtang ang PADAC operations ang ginpainan naman P5.5 million para sa pagbakal sang 1 ka unit sang vehicle, training expenses, premyo para sa Search for Outstanding MADAC kag iban pa.
