Davao City – Nagtoo si Bayan Muna Representative Carlos Zarate nga aduna gihapoy makuhaan og pondo ang Kongreso alang sa social pension sa mga senior citizen.
Sumala ni Cong. Zarate, daghang makuhaan sa budget pinaagi sa re-alignment sama sa 19 billion pesos nga pork barrel sa mga General.
“Kung hisgutanang budget, daghan man pwedeng i-realign dinha para mapadulong gyud dinha sa social pension sa mga senior… halimbawa naa nang 19 billion nga pork barrel,” segun ni Zarate.
Matud ni Zarate, pag-abot sa period of amendments, usa na sa ilang ipa-amyenda aron i-reinstate ang kadtong gihangyo sa DSWD nga 24 billion pesos alang sa social pension.
Giklaro usab niini nga adunay budget alang sa nahisgutan apan wala lang gihatag sa Department of Budget and Management (DBM).
RadyoMaN Bernard Pantallon
