Nagakuha na sang mga testimoniya sa mga saksi ang Pontevedra Municipal Police Station angut sa pagluthang kay Police Staff Sergeant Ildefonso Casugod, samtang ini ang naga-jogging sa Brgy. 1, Pontevedra, Disyembre 22.
Sa interview sang DYHB sa hepe sang Pontevedra MPS nga si Police Captain Hancel Lumandaz, may nakuha na sila nga mga saksi sa krimen kag sa karun naga-check naman sila sang mga CCTV para sa posibilidad nga makit-an ang gin-agyan sa pagpalagyo sang riding in-tandem suspects.
Una nga ginpahayag sang hepe nga posible may kaangtanan sa iya trabaho bilang intel officer ang pagluthang-patay kay Casugod. Suno sa hepe, dako ang papel ni Casugod sa accomplishments sang Pontevedra MPS angut sa illegal drugs, wanted persons, loose firearms kag illegal gambling. Apang wala man ginadula sang hepe ang posibilidad nga kahimuan sang SPARU sang NPA ang pagpatay kay Casugod.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
