Davao City- Gipakusgan sa Population Commission (POPCOM) XI ang kampanya sa matag Local Government Units sa Davao Region aron dili mubuylo pa ang ihap sa mga batan-ong nangabuntis ilabina karong pandemya.
Sa interbyu sa RMN Davao kang Population Commission Davao Region Director Bai Agnes Sampulna, base sa ilahang datos, nag-edad og 10 anyos hangtod sa 19 anyos ang nahimo nang mga inahan.
“Wala may teen centers karon, so we are educating the parents with adolescent children plus the online education on Adolescent Health and the Prevention Of Teenage Pregnancy,” matud niini.
Gibutyag ni Sampulna, katong mga nanganak na nga mga batan-on angay nga i-delay na ang sunod nila nga pagbuntis aron makatutok sila sa edukasyon ug sa ilahang livelihood o panginabuhian.
Matud niini, nagpabilin gihapong sa Top 5 ang Davao Region sa pinakadaghang ihap sa Teenage Pregnancy apan manageable pa ang maong ihap sa mga nabuntis nga mga kabataan.
RadyoMaN Aimee Guinita
