Sa interbyu sa DXDC RMN Davao kang Sheryll Jane Fernandez, Information Officer II sa PopCom-XI, gibutyag niini nga hugot ang ilang koordinasyon sa Department of Health (DOH) ug Department of Education (DepEd) alang sa kampanya batok teenage pregnancy.
Gipasabot usab ni Fernandez, dako usab og responsebilidad ang matag Local Government Unit (LGU) sa pagpangunay og edukar sa ilang mga residente mahitungod sa Adolescent Health, Responsible Parenthood ug Family Planning.
“Naa na ‘tay mga population offices sa kada LGU kay sila man gud ang matutok ana. And also, very responsive pud ang atong mga Local Chief Executive sa kini nga transition period sa atong localization,” sulti ni Fernandez.
Subay sa datus sa PopCom-XI, sa 3rd quarter sa 2022, anaa 12,509 ang natalang nanganak sa Davao Region nga mga nag-edad og 15-19 anyos.
RadyoMaN Kirby Manzon
