Porcausa na cellphone ladron calaboso

Por su amor consu cellphone, un ladron ya guinda na calaboso despues ya hace pa le perdido busca consu cp que ya pwede le deha na tienda na Bagsakan Center donde le ya ruba cen mas de P50,000 ayer madrogada.
Si Arthur Dela Cruz ya hace entenada na un tienda na Bagsakan Center del Martes por la noche.
Mientras bien durmido el dueño del tienda junto consu maga pamilya, el suspechao ya saca diila cen mas de P50, 000.
Antede escapa si Dela Cruz nohay este sinti ya queda su cellphone na tienda.
Madrogada ya enantes cuando ya gole el dueño con el perdicion.
Aqui tambien ya encontra sila conel cellphone del suspechao.
Aga ya enantes cuando el dueñoy tienda ya puede man contact con el Nana del suspechao pormedio na phone book na cell phone.
Hasta ya puede sila man cuento con el suspechao y yan idea sila que asegun ya encontra sila deste cellphone n un tricycle
Interesao el suspechao para saca consu cellphone hasta yan mirahan sila y el dueño del tienda quien tambien ta agara su cp y alya ya pichi sila con este y ya lleva na Sta. Maria Police Station
Na estacion del pulis ya sinti si Dela Cruz que ele el ya entra rubà.
Ya dobolbe tamen le con el portamoneda del victima pero P500 ya lang el laman.