Porcausa solamente na juego del NBA, un 25-año persona muerto mientras su hermana menor irido despues ya lancia canila el diila pariente amediante del purpiahan tiene que hace el resulta del juego de basketball, na Talungon, San Roque.
El muerto amo si Henry Bello Macapili, soltero quien ya sostene irida na su bariga mientras irido si Renevie Rose Vicente Macapili, 18, quien tambien ya sufri irida na su esquierda pata y esquierda palmay mano.
El suspechao amo si Marvic Jordan Macotocruz, 25, del mismo lugar.
El incidente ya sosede banda alas 10;31 del noche cuando ta man istorya estos aserca con el juego del NBA que aquel tiempo Nuevo pa lang ya acaba el juego.
Pero amediante el destos istorya, yan man purpiahan sila hasta ya puede sopla de puñitaso si Henry con Marvic.
Este ya causa para saca cuchilyo si Marvic y ya lancia con Henry hasta ya tupa tambien con Renevie Rose.
Con Marvic ya aresta el pulis y ya detene na estacion del Sta. Maria.
