General Santos City— Adunay na ginatutukan ang Police Station 7 nga posibleng makatabang sa pagsulbad sa kaso sa pagpamusil-patay sa kanghing drug surenderee nga si Kaharudin Tiban, 49 nayos nga residente sa Prk. 5, 11-C Brgy. Fatima ning dakbayan.
Sumala kang Police Senior Inspector Fernando Manuel Jr., hepe sa Police Station 7 nga ilahang ginamonitor ang lihok sa sumala pa driver sa mga gun for hire.
Dako matud pa ang mamahimong tabang sa nahisgutan higayon nga ilahang makumpirma ang maong impormasyon.
Dugang pamahayag ni PSI Manuel nga sa karon wala pa silay matumbok nga motibo sa maong pagpamusil apan ilaha matud pang ginatutukan ang tanang anggulo.
Sa karon matud pa dili nila makumpirma kung gipa-patay lang ang biktima gumikan posibleng gun for hire lang ang responsable sa krimen. Higayon matud pa nga madakpan ang nahisgutan mahatagan usab ug katin-awan ang kaso sa mga pagpamusil sa dakbayan.
