Padayong giila sa Philippine Drug Enforcement Agency 12 ang mga posibildad nga ilhanan sa mga kauban sa iligal nga transaksyon sa droga sa bag-ohay lang nasikop sa maong ahensya nga administrative aide sa Sangguniang Panlalawigan sa kapitolyo sa Sarangani niaging semana.
Kini ang gibutyag ni PDEA 12 Acting Regional Director Naravy Duquiatan kung asa dili pa nila masulti sa pagkakaron ang detalye sa mga kaubanan sa suspek nga si Amarudin Anid na ilang nasikop sa buy-bust operation kauban ang Glan Municipal Police Station aron dili mapurnada ang dagan sa follow-up investigation sa nasangpit nga kaso.
Dugang ni Duquiatan nga dugay nang target ang suspek nga high value target gumikan empleyado sa gobyerno na buhis sa katawhan ang ginasweldo og gituman lamang nila ang mandato ni Pangulong Rodrigo Duterte nga limpyohan ang pundok sa mga personahe sa gobyernong buhatan.
Samtang gihingusgan sa labaw sa ahensya nga andam silang kanunay nga motubag sa mga hangyo sa local government og mga government agencies sa pagpailawom og drug test sa mga empleyado tungod may mga chemist ang ilang ahensya sa pagpahigayon og drug testing.
*For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
